मंगलबार चार लगानीकर्ता संगठनहरुले संयुक्त प्रेस विज्ञप्ति जारी गर्दै प्रधानमन्त्रीलाई पूँजी बजारमा रहेका समस्याहरु सुल्झाउन गुहारेका हुन् ।
लगानीकर्ताहरुले पूँजीबजारबाट सात खर्ब रुपैयाँ भन्दा बढी नोक्सानी व्योर्होदा पनि सरोकारवाला निकाय अर्थ मन्त्रालय, सेबोन, नेप्से र सिडिएसी गैर जिम्मेबार बनेको आरोप लगाएका छन्। पूँजी बजारको समस्या समधानको लागि सहयोग गर्न लगानीकर्ताहरुले प्रधानमन्त्रीसंग समय माग गरेका हुन् ।
पूँजी बजारमा गर्नुपर्ने अल्पकालीन, मध्यकालीन, दीर्घकालीन सुधारका कार्यक्रम र ५८ बुँदामा समाबेश भईसकेका सुधारात्मक कार्यक्रम कार्यान्वयन गर्न आनाकानी गरेको उनीहरुको ठहर छ ।
पूँजी बजारको विकास तथा आम लगानीकर्ताहरुको विश्वास अक्षुष्ण राख्न र भविष्यमा पनि बढी भन्दा बढी सर्वसाधारणहरुलाई पूँजी बजारमा ल्याई निष्कृय रहेको पूँजीलाई संकलन गरी विकास निमार्ण कार्यमा परिचालन गर्ने वातावरण मिलाउन सरकारसंग माग गरेका हुन् ।
