साधारण सभामा बैंकले गत आर्थिक वर्ष २०७५/०७६ को मुनाफाबाट ५ प्रतिशत बोनस शेयर र ११ प्रतिशत नगद लाभांश गरी कूल १६ प्रतिशत लाभांश वितरण गर्ने प्रस्ताव लैजाने भएको छ ।
बोनस वितरणपश्चात कम्पनीको पूँजी वृद्धि हुने भएकाले सोही अनुसार आफ्नो प्रबन्धपत्र तथा नियमावलीमा संशोधन गर्ने प्रस्ताव समेत सभामा लैजाँदै छ।
त्यसैगरी बैंकले साधारण सभाबाट अन्य बैंक तथा वित्तीय संस्थासँग मर्जर वा एक्विजिसनमा जान तथा वैदेशिक रणनीतिक साझेदारीमा जान सञ्चालक समितिलाई सम्पूर्ण अख्तियारी प्रदान गर्ने भएको छ।
साधारण सभा तथा लाभांश वितरणको लागि बैंकले असोज १० देखि साधारणसभा सम्म बुकक्लोज गर्ने भएकाले असोज ९ गतेसम्म कायम भएका शेयरधनीहरुले मात्र सभामा भाग लिन तथा बैंकले वितरण गर्ने लाभांश पाउनेछन्।
बैंकले पूर्वमा झापादेखि पश्चिममा कञ्चनपुर साथै हिमाल, पहाड र तराई गरी सातै प्रदेशमा आफ्ना १३६ वटा शाखाहरु र १२१ शाखारहित बैकिङ सेवा समेत गरी जम्मा २५७ स्थानवाट ग्राहक सम्पुर्ण बैकिंङ सुबिधा प्रदान गरिरहेको छ।
बैंकले देशभर १५७ वटा एटीएम सञ्चालन गरेको छ।
