बैंकले प्रतिइकाई १ हजार रुपैयाँको दरमा ३० लाख इकाई ऋणपत्र निष्काशन गर्न रेटिङ गराएको हो। ऋणपत्र निष्काशनको लागि बैंकले धितोपत्र बोर्डमा भने आवेदन दिएको छैन ।
दीर्घकालीन लगानी स्रोत जुटाउन तथा बैंकको पूँजी प्रयाप्तता अनुपात बढाएर व्यवसाय विस्तारलाई बढावा दिन बैंकले ऋणपत्र निष्काशन गर्न लागेको हो।
बैंक तथा वित्तीय संस्थाहरुमा लगानीयोग्य रकम अभाव खड्किएपछि पछिल्लो समय सबैजसो बैंकहरु ऋणपत्र जारी गर्नेतर्फ लागेका छन्। यद्यपि बैंकहरुले बिक्रीमा ल्याएको ऋणपत्र भने सर्वसाधारणले त्यति रुचाएको पाँइदैन। पछिल्लो समय कतिपय बैंकले बिक्रीमा ल्याएको ऋणपत्रमा सर्वसाधारणबाट पर्याप्त मात्रामा आवेदन नपर्दा बिक्री प्रबन्धकहरु निराश छन्।
बैंकहरुलाई लगानीयोग्य रकम अभाव भएपछि केन्द्रीय बैंकले चालु आर्थिक वर्षको मौद्रिक नीति मार्फत बैंकिङ्ग प्रणालीमा साधन परिचालनमा देखिने असन्तुलनलाई कम गर्न अनिवार्य रुपमा चुक्ता पूँजीकाे २५ प्रतिशत बराबरको ऋणपत्र जारी गर्नुपर्ने व्यवस्था गरेको छ। सोही अनुसार बैंक तथा वित्तीय संस्थाहरुले ऋणपत्र बिक्रीमा ल्याएका हुन्।
