आइतबार छापावाला सुन प्रतितोला ७१ हजार ३०० रुपैयाँमा कारोबार भइरहेको छ भने तोजावी सुन प्रतितोला ७१ हजार रुपैयाँमा कारोबार भइरहेको नेपाल सुनचाँदी महासंघले जनाएको छ।
अघिल्लो दिन शुक्रबार तोलामा ३०० रुपैयाँले बढेर ७१ हजार रुपैयाँमा पुगेको सुनको मूल्य आइतबार पनि फेरि बढेको हो। गत साउन सुरुवातदेखि नै लगातार बढेर ७३ हजार ५०० रुपैयाँसम्म पुगेको सुनको भाउ पछिल्लो समय भने केहि घट्न थालेको थियो। असोज दुइ गते देखि भने सुनको मूल्य लगातार बढीरहेको छ।
भदौ १८ गते हालसम्मकै उच्च मूल्य ७३ हजार ५०० रुपैयाँमा कारोबार भएको सूनको मूल्य त्यस यता २ हजार २०० रुपैयाँले घटेको छ। सुनको मूल्य उच्चरूपले बढ्दा सुन कारोबार ठप्प जस्तै भएको व्यवसायीहरु बताउँछन्।
आइतबार चाँदीको भाउमा पनि वृद्धि भएको छ। चाँदीको मूल्य अघिल्लो दिनको तुलनामा तोलामा ५ रुपैयाँले बढेर प्रतितोला ८६५ रुपैयाँमा कारोबार भइरहेको महासंघले जनाएको छ।
अघिल्लो दिन शुक्रबार चाँदी प्रतितोला ८६० रुपैयाँमा खरीद बिक्री भएको थियो।
