प्राइम लाइफको बोनस शेयर पारित, चुक्ता पूँजी दुई अर्ब नाघ्ने

Sep 25, 2019 12:36 PM Merolagani

प्राइम लाइफ इन्स्योरेन्सको असोज ७ गते सम्पन्न विशेष साधारणसभाले सञ्चालक समितिबाट प्रस्तावित बोनस पारित गरेको छ। इस्योरेन्सको विशेष साधारणसभाले हालको चुक्ता पूँजी १ अर्ब ७८ करोड ४८ लाख रुपैयाँको १२.५० प्रतिशतका दरले बोनस शेयर वितरण गर्ने प्रस्ताव पारित गरेको हाे ।

 विशेष साधारण सभाबाट पारित भएको बोनस शेयर वितरणपछि चुक्ता पूँजी २ अर्ब ७९ लाख रुपैयाँ पुग्नेछ। कम्पनीले नियमनकारी निकाय बीमा समितिको निर्देशन अनुसार चुक्ता पूँजी कायम गर्न विशेष साधारण सभा बोलाएको हो ।

विशेष साधारणसभाले बोनस शेयरमा लाग्ने कर प्रयोजनका लागि प्रस्ताव गरिएको १ करोड १७ लाख ४२ हजार रुपैयाँ नगद लाभांश समेत पारित गरेको छ ।

काठमाडौंमा कर्पोरेट कार्यालय रहेको कम्पनीले सातैवटा प्रादेशिक, शाखा, उपशाखा र सम्पर्क कार्यालय गरी १४० भन्दा बढी स्थानबाट सेवा दिइरहेको छ । कम्पनीले विभिन्न १६ किसिमका जीवन बीमालेखहरू प्रचलनमा ल्याएको छ ।

इन्स्योरेन्सले २०७६ भदौ मसान्तसम्ममा १६ लाख ९० हजार बीमालेख बिक्री गरी कुल १५ अर्ब ३१ करोड बीमा शुल्क संकलन गरेको छ । कम्पनीको जीवन बीमाकोषको आकार ८ अर्ब ९० करोड रुपैयाँ रहेको छ ।


comments powered by Disqus

लकडाउनपछिको शेयर बजारः १० सर्किट ब्रेक,१ अर्ब ५९ करोड रुपैयाँकाे किनबेच

Jul 02, 2020 03:40 PM

लगानीकर्ताको अपरिपक्व व्यवहार देखियो
विश्वभरी महामारीको रुपमा फैलिएको कोभिड १९ नियन्त्रण तथा रोकथामका लागि गरिएको लकडाउनका कारण गत चैत ११ गतेदेखि बन्द भएको नेपालको धितोपत्र बजार ९८ दिनपछि गत सोमबारदेखि खुलेको थियो।