फण्डको इकाई सूचीकरणपश्चात अब बिहीबारबाट इकाइको कारोबार खुल्नेछ। सिद्धार्थ क्यापिटलको यो चौथो म्युचुअल फण्ड हो ।
सिद्धार्थ बैंक र सिद्धार्थ क्यापिटलको व्यवस्थापनमा साउन २३ देखि भदौ ५ गतेसम्म १ अर्ब २० करोड रुपैयाँ बराबरको म्युचुअल फण्ड बिक्री भएकाे थियाे।
सगरमाथा र सिद्धार्थ इन्सुरेन्सको बोनस सूचीकृत
सगरमाथा र सिद्धार्थ इन्सुरेन्सले अघिल्लो आर्थिक वर्ष २०७४/७५ मा बितरणगरेकाे बोनस शेयर धितोपत्र बजारमा सूचीकृत भएको छ । सगरमाथा इन्स्योरेन्सको ४६ लाख २९ हजार ३१० कित्ता र सिद्धार्थ इन्सुरेन्सकाे १३ लाख ४० हजार ८१६ कित्ता बोनस शेयर सूचीकृत भएको हो ।
सगरमाथा इन्स्योरेन्सले असार १३ सम्पन्न वार्षिक साधारण सभाबाट चुक्ता पूँजीको ८६ प्रतिशत बोनस शेयर वितरण गर्ने प्रस्ताव पारित गरेको थियो ।
त्यस्तै सिद्धार्थ इन्सुरेन्सले पनि असार १३ गते नै सम्पन्न साधारण सभाबाट चुक्ता पूँजीको १५.४८ प्रतिशत बोनस शेयर वितरण गर्ने प्रस्ताव पारित गरेको थियो ।