शनिबार बसेको सञ्चालक समिति बैठकले तीन जना मध्येबाट अधिकारीलाई आगामी चार वर्षका लागि सीइओ नियुक्त गरेको हो। उनी यसअघि बैंकको कामु प्रमुख कार्यकारी अधिकृतमा कार्यरत थिए।
बैंकको प्रमुख कार्यकारी अधिकृतका लागि १४ जनाको आवेदन परेको थियो। त्यस मध्येबाट प्रमुख कार्यकारी अधिकृतको अन्तिम छनौटमा अधिकारी सहित शंकर कुमार रायमाझी र शेषरमण आचार्य परेका थिए।
बैंकका डेपुटी सिइओ रहेका अधिकारी प्रमुख कार्यकारीबाट देवेन्द्रप्रताप शाह अवकास भएपछि कामु सिइओ बनेका थिए।
त्रिभुवन विश्वविद्यालयबाट एमबिए र पूर्वाञ्चल विश्वविद्यालयबाट इएमबिए गरेका अधिकारी नेपाल बैंककै करियर बैंकर हुन् । उनले २०६१ साल देखि सहायक प्रबन्धक (छैठौं) तहबाट बैंकिङ करियर सुरु गरेका थिए । नेपाल बैंकमा सिइओको मासिक तलब ३ लाख रुपैयाँ हुन्छ ।
