नेपाल क्रेडिट एण्ड कर्मस बैंक (एनसीसी) ले आर्थिक वर्ष २०७४/०७५ को मुनाफाबाट वितरण गरेको चुक्ता पूँजीको १५.८९ प्रतिशत बराबरको कित्ता बोनस शेयर नेप्सेमा असोज १४ गते मंगलबार कारोबारका लागि सूचीकरण गराएको हो।
एनसीसी बैंकको गत भदौ २१ गते सम्पन्न २० औं र २१ औं वार्षिक साधारण सभाबाट उक्त बोनस शेयर अनुमोदन भएको थियो। सो बोनस साउन २३ गते बिहीबारसम्म कायम रहेका शेयरधनीले मात्रै पाउनेछन्।
यसैगरि मंगलबार नै नेप्सेमा आइएमई जनरल इन्योरेन्सले आर्थिक वर्ष २०७४/०७५ को मुनाफाबाट वितरण गरेको चुक्ता पूँजी चुक्ता पूँजी ९७ करोड २० लाख रुपैयाँको ५ प्रतिशत बराबरको ४ लाख ८६ हजार कित्ता बोनस सूचीकृत भएको थियो।
कम्पनीको २०७६ असार २९ गते सम्पन्न २१ औं वार्षिक साधारण सभाबाट उक्त बोनस शेयर अनुमोदन भएको थियो।
