बैंकको असोज १७ गते बसेको सञ्चालक समितिको बैंठकले शेयरधनीहरुलाई चुक्ता पूँजीको १६ प्रतिशतले हुन आउने १ अर्ब ४२ करोड रुपैयाँ बराबरको बोनस शेयर र बोनसमा लाग्ने कर प्रयोजनको लागि ०.८४ प्रतिशतले हुन आउने ७ करोड ४८ लाख रुपैयाँ बराबरको नगद लाभांश वितरण गर्ने प्रस्ताव गरेको हो ।
प्रस्तावित लाभांश राष्ट्र बैंकको स्वीकृति र बैंकको आगामी साधारणसभाले अनुमोदन गरेपश्चात शेयरधनीहरुले पाउनेछन्।
अघिल्लो आर्थिक वर्ष २०७४/७५ मा ८ प्रतिशत बोनस शेयर र कर प्रयोजनको लागि ०.४२ प्रतिशत नगद लाभांश गरी कुल ८.४२ प्रतिशत लाभांश वितरण गरेकोमा यस वर्ष बैंकको लाभांश दर बढेको हो ।
हाल ८ अर्ब ८९ करोड रुपैयाँ चुक्ता पूँजी रहेको बैंकको बोनसपश्चात पूँजी १० अर्ब ३१ करोड रुपैयाँ पुग्नेछ।
बैंकले गत आर्थिक वर्षको चौंथो त्रैमाससम्ममा २ अर्ब ५ करोड रुपैयाँ खुद नाफा कमाएर प्रतिशेयर आम्दानी २४ रुपैयाँ कायम गरेको थियो।