यद्यपी फाइनान्स कम्पनीप्ले सोमबारदेखि चुक्ता पूँजीको २०० प्रतिशत हकप्रद जारी गर्न लागेकोले हकप्रदले गत आवको मुनाफाबाट प्रस्तावित लाभांश पाउँछ कि पाउँदैन भन्ने अन्यौलता कायम नै छ।
यसैलाई कम्पनीले आज एक सूचना जारी गर्दै स्पष्ट पारेको छ। कम्पनीले भनेको छ लाभांश अनुमोदनका लागि साधारण सभाको बुकक्लोज मितिसम्म जारी भैरहेको हकप्रद बाँडफाँड भएमा उक्त हकप्रदले पनि लाभांश पाउँछ भने हकप्रद बाँडफाँड नभएको खण्डमा हकप्रदअघि कायम चुक्ता पूँजी ६ करोड ६ लाख ७२ हजार रुपैयाँको ३१.५८ प्रतिशत लाभांश वितरण हुनेछ।
लघुवित्त सञ्चालक समितिको असोज ९ गते सम्पन्न ८१ औं बैठकले १५ प्रतिशत बोनस र बोनसमा लाग्ने कर सहित १६.५८ प्रतिशत नगद लाभांश गरि कूल ३१.५८ प्रतिशत लाभांश घोषणा गरेको थियो।
लघुवित्त सञ्चालक समितिको बैठकले प्रस्ताव गरेको उक्त लाभांश नेपाल राष्ट्र बैंकको स्वीकृति तथा कम्पनीको आगामी वार्षिक साधारण सभाले अनुमोदन गरेपश्चात मात्र शेयरधनीले पाउनेछन्।
यदि हकप्रदले समेत लाभांश पाउने भएमा लघुवित्तको शेयरधनीले ५ प्रतिशत बोनस र ५.५२६७ प्रतिशत नगद लाभांश पाउनेछन्। हकप्रद बाँडफाँड भएमा हकप्रदको पूँजीलाई समेत गणना गरि १८ करोड २० लाख १६ हजार चुक्ता पूँजीको आधारमा गणना गर्दा सो लाभांश प्रतिशत कम भएको हो।
हकप्रद र बोनस पश्चात लघुवित्तको चुक्ता पूँजी १९ करोड ११ लाख १६ हजार ८०० रुपैयाँ पुग्नेछ।