प्रयोगात्मक तरिकाले विश्वव्यापी रूपमा गरिबी निवारणका सम्बन्धमा पत्ता लगाएको उपायका लागि यी तीन अर्थशास्त्रीलाई नोवल पुरस्कार प्रदान गरिएको हो । उनीहरुको योगदानका कारण बितेको दुई दशकमा गरिबी निवारणमा टेवा पुगेको र ७० करोड गरिबको आवासको व्यवस्था भएको अनुमान गरिएको छ ।
बनर्जी भारतीय मूलका अमेरिकी अर्थशास्त्री हुन् भने डिफ्लो फ्रान्सेली अर्थशास्त्री हुन् । उनीहरू पति–पत्नी हुन् । साथै दुवै म्यासाचुसेट्स इन्स्टिच्युट अफ टेक्नोलोजी (एमआईटी) मा गरिबी निवारण र विकास अर्थशास्त्रका प्राध्यापक हुन् ।
डिफ्लो अर्थशास्त्रतर्फको नोबेल पुरस्कार पाउने सबैभन्दा कम उमेरकी अर्थशास्त्री हुन् भने यो पुरस्कार पाउने उनी दोस्रो महिला हुन् । अमेरिकी अर्थशास्त्री क्रेमर हार्वर्ड विश्वविद्यालयमा प्राध्यापक छन् ।
यी तीनै जना अर्थशास्त्रीले समस्यालाई स–साना टुक्रामा विभाजन गरेर व्यवस्थापन गर्ने तथा यसलाई सुल्झाउने सहज तरिका पत्ता लगाएर गरिबी निवारणमा सहयोग पु¥याएका छन् ।
भारतीय मूलका बनर्जीको एक अध्ययनका कारण भारतमा अपांग बालबालिकाको शिक्षाको व्यवस्था भएको छ । जसबाट करिब ५० लाखले फाइदा पाएका छन् ।
यसअघि सन् २०१८ को अर्थशास्त्रतर्फको नोबेल पुरस्कार अमेरिकी अर्थशास्त्रीद्वय विलियम नोर्दाउस र पल रोमरलाई दिइएको थियो ।
