असोज २९ गते बुधबार नेपाल सुनचाँदी व्यासायी महासँघले छापावाला सुनको मूल्य प्रतितोला ७० हजार ६०० रुपैयाँ तोकेको छ भने तेजाबी सुनको मूल्य ७० हजार ३०० रुपैयाँ तोकेको छ ।
दशैपछि लगातार घटिरहेको सुनको मूल्य मंगलबार तोलामा ७०० रुपैयाँले बढेर ७० हजार ७०० रुपैयाँमा कारोबार भएको थियो।
यसअघि भदौ १८ गते सुन हालसम्मकै उच्च मूल्य ७३ हजार ५०० रुपैयाँमा कारोबार भएको थियो।
बुधबार सुनसँगै चाँदीको मूल्य पनि घटेको छ । चाँदी अघिल्लो दिनको तुलनामा तोलामा १० रुपैयाँले घटेर ८५० रुपैयाँमा कारोबार भइरहेको महासँघले जनाएको छ।
अघिल्लो दिन मंगलबार चाँदी प्रतितोला ८६० रुपैयाँमा खरिद बिक्री भएको थियो।