सूचीकरण नियमावली अनुसार सूचीकृत कम्पनीहरूले अध्यक्ष, सन्चालक समिति र कार्यकारी अधिकृत परिवर्तन भएको सूचना तत्काल नेप्सेमा उपलव्ध गराउनुपर्ने व्यवस्था छ ।
श्रेष्ठको राजीनामाको जानकारी बैंकले असोज १६ गते गराएको र डिस्प्लेमा राखिएको नेप्सेले बताएको छ। तर, शेयर बजारका एक लगानीकर्ताले नेप्सेले त्याे दिन सो सूचना नराखेको मेरो लगानीलाई बताए । असाेज पन्ध्र गतेकाे सूचना २८ गते सार्वजनिक गरेर नेप्सेले समयमै सूचना दिनुपर्ने नियामकीय जिम्मेवारी लत्याएकाे छ ।
र्बैकिङ्ग संरचना अनुसार बैंककाे सन्चालक समितिमा संस्थापक, सर्वसाधारण र स्वतन्त्र लगानीकर्ताको प्रतिनिधित्व गर्दै निर्देशक चयन गरिन्छ । संस्थापक र सर्बसाधरणको संख्या लगानीको अनुपातमा निर्धारण हुन्छ । संस्थापकको तर्फवाट संचालक छानिँदा सर्वसम्मत या निर्वाचन दुबै हुन्छ भने सर्बसाधारणको प्रतिनिधित्वको लागि प्राय निर्वाचन हुने गर्छ । सेन्चुरी बैंकमा ४ जना संस्थापक, तीन जना सर्वसाधारण गरि सातजना संचालक थिए । र्बैकमा स्वतन्त्रको तर्फवाट संचालक छैनन् । बोर्डले छान्ने स्वतन्त्र संचालक एक जना भने अनिवार्य हुनैपर्ने प्रावधान छ ।
सो बैंकमा संस्थापकका तर्फवाट लक्ष्मणलाल श्रेष्ठ, महेश अग्रवाल, राजेश दली र उमा कुमारी श्रेष्ठ संचालक छन् भने सर्वसाधारणको तर्फवाट राजेशकुमार श्रेष्ठ, अभिशेक बर्जाचार्य र सुनील न्यौपाने संचालक छन् ।
सर्बसाधारण तर्फका संचालकको चयन गत बैसाखमा सम्पन्न आठौं साधारण सभाले गरेको हो ।
राष्ट्रबैंकले सेन्चुरी बैंकलाई सन्चालक समितिको संरचना परिवर्तन गरी ३ जना संस्थापक, ३ जना सर्वसाधारण र १ जना स्वतन्त्र संचालक राख्न निर्देशन दिएको थियो । सोही निर्देशन बमोजिम एकजना संस्थापक संचालकको राजीनामा आएको अनुमान गरिएको छ । तर, अनिबार्य हुनैपर्ने स्वतन्त्र संचालक भने बैंकले अझै चयन गरेको छैन ।