एनसीसी बैंकमा विलिन भएका चार विकास बैंकको विभिन्न साधारण सभाबाट पारित लाभांश लिन लामो समयसम्म शेयरधनीहरु नआएपछि बैंकले सूचना प्रकाशन गरेर नै जानकारी गराएको हो।
बैंकले शेयरधनीहरुलाई मंसिर पहिलो साताभित्र (३५ दिनभित्र) आफ्नो लाभांश संकलन गर्न भनेको छ । सो अवधिमा आफ्नो लाभांश संकलन नगरेको खण्डमा पाँच वर्ष पूरा भई भुक्तानी हुन बाँकी रहेको लाभांश कम्पनी ऐन २०६३ को दफा १८३ मा व्यवस्था भए बमोजिम लगानीकर्ता संरक्षण कोषमा जम्मा हुने बैंकले जनाएको छ ।
लाभांश बाँकी रहेका शेयरधनीहरुले शेयर प्रमाणपत्र, डिम्याट खाता नम्बर, र आधिकारिक परिचय पत्रका साथ बैंकको शेयर रजिष्ट्रारको कार्यालय सनराइज क्यापिटल मार्फत उक्त लाभांश संकलन गर्नसक्ने बैंकले जनाएको छ ।
एनसीसी बैंकले २०७३ पुस १ गतेदेखि इन्फ्रास्ट्रचर डेभलपमेन्ट बैंक, सुप्रिम डेभलपमेन्ट बैंक, एपेक्स डेभलपमेन्ट बैंक र इन्टरनेशनल डेभलपमेन्ट बैंकलाई आफुमा गाभेर एकीकृत कारोबार थालेको थियो।
