लघुवित्तले गत आवको मुनाफाबाट शेयरधनीलाई २० प्रतिशत बोनस र कर प्रयोजनका लागि सहित ११.५८ प्रतिशत नगद लाभांश गरी कूलल ३१.५८ प्रतिशत लाभांश प्रस्ताव गरेको छ। यो गत वर्षको लाभांश भन्दा १० प्रतिशतले बढी हो ।
अघिल्लो वर्षमा भने लघुवित्तले २० प्रतिशत बोनस र बोनसको कर प्रयोजनका लागि १.०५ प्रतिशत नगद लाभांश वितरण गरेको थियो ।
लघुवित्तले बोनस शेयर पुरानै कामय गरी नगद लाभांश मात्रै वृद्धि गर्दा शेयरमूल्य भने ओरालो लागेको छ। लघुवित्तको शेयरमूल्य ६.२५ प्रतिशत अर्थात ५८ रुपैयाँले घटेर ८७० रुपैयाँमा झरेको हो।
लघुवित्तको शेयरधनीहरुले गत आवको मुनाफाबाट धेरै बोनस अपेक्षा रहेपनि लघुवित्तले नगद मात्र बढाउँदा शेयरमूल्यमा ऋणात्मक असर देखिएको बुझ्न सकिन्छ।
शेयर बजारका लगानीकर्ताहरुले हरेक कम्पनीमा नगद भन्दा बोनस शेयरलाई प्राथकिता दिँदै आएका छन्।
शेयर बजारमा धेरै बोनस वितरण गर्ने कम्पनीहरु मात्रै राम्रो नहुने जानकार बताउँछन्। कम्पनीलाई आवश्यक पर्ने पूँजी अनुसार शेयरधनीलाई बोनस र नगद गरि उच्च लाभांश वितरण गर्ने कम्पनी वास्तविक रुपमा राम्रो हुने उनीहरुको तर्क पाइन्छ।
शेयर पूँजी बढ्दा साबिकका शेयरधनीको कित्ता अनुपात बढेपनि स्वामित्व बराबरी नै रहन्छ भने मागभन्दा आपूर्ति धेरै हुन्छ जसको असर शेयरमूल्यमा देखिन्छ। यस्तै बोनस शेयरमा शेयरमूल्य समायोजन भई कम्पनीको प्रतिकित्ता शेयरमूल्य समेत घट्छ ।