संघीय संसदको अर्थ समितिले पूँजी बजार तथा मुद्रा बजारमा देखिएका समस्याको अध्ययन गर्न साउन २९ गते साँसद रामकुमारी झाँक्रीकाे संयाेजकत्वमा उपसमिति गठन गरेको थियो । उपसमिति गठन भएकाे आज असोज ३० गते बिहीबार दुई महिना पुगेको छ । 
उप समितिकाे म्याद सकिएन भन्ने जिज्ञासामा संयोजक रामकुमारी झाँक्रीले काम गर्न शुरु गरेको दुई महिनामा प्रतिवेदन बुझाउनु पर्ने बताइन् । काम चाँही कहिलेबाट शुरूभयाे भन्ने मेराे लगानीकाे प्रश्नमा भने उनले उत्तर दिन चाहिनन् । उनकाे प्रतिकृयाले उपसमितिले कुनै काम अघि नबढाएकाे शंकामा बल पुगेकाे छ ।
संयोजक रामकुमारी झाँक्री रहेको उक्त उपसमितिमा प्रमिला राई, मेटमणि चौधरी, राम बाबु कुमार यादव, हेम कुमारी राई सदस्य रहेका छन् ।
राष्ट्र बैंकले वाणिज्य बैंकलाई आफ्नो प्रबन्ध पत्र तथा नियमावलीमा ब्यवस्था गरेर ब्रोकरको काम गर्ने सहायक कम्पनी खोल्न स्वीकृति दिएर ९ वटा बैंकले सहायक कम्पनी खडा गरिसकेका छन् ।
बैंकहरूले ब्राेकरिङ्ग सेवा दिने प्रकृया अगाडि बढाएकै बेला अर्थ समितिले यस बिषयमा अद्ययन गर्न उप समिति गठन गरेकाे थियाे । उप समिति गठन भए लगत्तै समितिकाे निर्देशनमा नेप्सेले बैंकलाइ ब्राेकरिङ्ग सेवा दिने प्रकृया स्थगित गरेकाे थियाे ।
