लघुवित्तको कार्तिक ५ गते बसेको सञ्चालक समितिको बैठकले गत आर्थिक वर्ष २०७५/०७६ को मुनाफाबाट शेयरधनीहरुलाई चुक्ता पूँजीको १० प्रतिशतले हुन आउने २ करोड ७ लाख रुपैयाँ बराबरको बोनस शेयर र कर सहित ५ प्रतिशतले हुन आउने १ करोड ३ लाख ७० हजार रुपैयाँ नगद लाभांश वितरण गर्ने प्रस्ताव गरेको हो ।
यसअघि भदौ ३० गतेको बैठकले चुक्ता पूँजीको १० प्रतिशत बोनस, ५ प्रतिशत नगद र बोनसमा लाग्ने कर प्रयोजनका लागि ०.७९ प्रतिशत नगद लाभांश प्रस्ताव गरेको थियो। बोनसमा लाग्ने कर प्रयोजनको ०.७९ प्रतिशत नगद लाभांश वितरण गर्न राष्ट्र बैंकको स्वीकृति नपाएपछि अब प्रस्तावित ५ प्रतिशत नगद लाभांशबाटै १० प्रतिशत बोनसमा लाग्ने कर कट्टी हुने भएको छ ।
प्रस्तावित लाभांश राष्ट्र बैंकको स्वीकृति र आगामी वार्षिक साधारण सभाले अनुमोदन गरेपश्चात शेयरधनीहरुले प्राप्त गर्नेछन्। हाल २० करोड ७४ लाख रुपैयाँ चुक्ता पूँजी रहेको लघुवित्तको बोनस पश्चात पूँजी २२ करोड ८१ लाख ४० हजार रुपैयाँ पुग्नेछ।
लघुवित्तले गत आर्थिक वर्षको चौथो त्रैमासमा तीन करोड ७५ लाख रुपैयाँ खुद नाफा आर्जन गरेर प्रतिशेयर आम्दानी १८ रुपैयाँ ०९ पैसा कायम गरेको थियो।
