बैंक संचालक समितिको कात्तिक ७ गते बसेको बैठकले हकप्रदले समेत पाउने गरि १७.६० प्रतिशत बोनस शेयर र बोनसको कर प्रयोजनार्थ ०.९३ प्रतिशत नगद लाभांश वितरण गर्ने प्रस्ताव गरेको हो। बैंकले भदौ १२ गतेदेखि चुक्ता पूँजीको २० प्रतिशत बराबरको हकप्रद शेयर निष्काशन गरेको थियो।
सञ्चालक समितिले प्रस्ताव गरेको उक्त लाभांश नेपाल राष्ट्र बैंकबाट स्वीकृत भई बैंकको आगामी वार्षिक साधारण सभाले अनुमोदन गरेपश्चात मात्र शेयरधनीले पाउनेछन्।
हाल ३ अर्ब ६७ करोड ७७ लाख चुक्ता पूँजी रहेको बैंकको प्रस्तावित बोनस वितरण पश्चात ४ अर्ब ३२ करोड ४९ लाख ८९ हजार रुपैयाँ चुक्ता पूँजी पुग्नेछ ।
अघिल्लो आर्थिक वर्ष २०७४/०७५ मा बैंकले १८.२५ प्रतिशत बोनस शेयर र ०.९६ प्रतिशत नगद गरि कूल १९.२१ प्रतिशत लाभांश वितरण गरेको थियो।
गत आवमा बैंकले ३६.९८ प्रतिशतले खुद नाफा वृद्धि गर्दै ८५ करोड ३२ लाख १ हजार आर्जन गरेर वार्षिक २७ रुपैयाँ ८४ पैसा प्रतिशेयर आम्दानी कायम गरेको थियो। यस अवधिमा बैंकको वितरण योग्य नाफा ५८ करोड ६९ लाख ९२ हजार रुपैयाँ र शेयरधनी कोषमा ६२ र जगेडा कोषमा ४२ करोड रहेको थियो।
