लघुवित्तले राष्ट्र बैंकको निर्देशन अुनसार हाल कायम चुक्ता पूँजी ६ करोड रुपैयाँको ७.३८ प्रतिशतले हुन आउने ४४ लाख २८ हजार रुपैयाँ बराबरको बोनस शेयर र बोनस शेयरको कर प्रयोजनका लागि ०.३८८ प्रतिशत अर्थात २ लाख ३३ हजार रुपैयाँ नगद लाभांश प्रस्ताव गरेको छ।
यसअघि लघुवित्त सञ्चालक समितिको बैठकले ८ प्रतिशत बोनस र बोनसमा लाग्ने कर प्रयोजनका लागि ०.४२ प्रतिशत नगद लाभांश घोषणा गरेको थियो।
लघुवित्त सञ्चालक समितिको बैठकले प्रस्ताव गरेको उक्त लाभांश नेपाल राष्ट्र बैंकको स्वीकृति तथा कम्पनीको आगामी वार्षिक साधारण सभाले अनुमोदन गरेपश्चात मात्र शेयरधनीले पाउनेछन्।
हाल ६ करोड रुपैयाँ चुक्ता पूँजी रहेको लघुवित्तको बोनस शेयर पश्चात ६ करोड ४४ लाख रुपैयाँ चुक्ता पूँजी पुग्नेछ। आरम्भ माइक्रोफाइनान्स चौतारी लघुवित्तसँग मर्जर प्रकृयामा समेत रहेको छ।