नेपाल कै अग्रणी सिमेन्ट उत्पादक कम्पनी शिवम् सिमेन्ट्सको कार्तिक ८ गते शुक्रबार कार्यकारी अध्यक्ष सुरेन्द्र कुमार गोयलको अध्यक्षतमा सम्पन्न सभाले संचालक समितिको तर्फबाट अध्यक्षले प्रस्तुत गरेका आ.व. २०७५/०७६ को वार्षिक प्रगतिप्रतिवेदन, लेखापरीक्षको प्रतिवेदन सहितका संलग्न विवरणहरु, आ. व. २०७६/०७७ को आय व्ययको लेखापरीक्षण गर्न सुभाष एण्ड कम्पनी चार्टर्ड एकाउण्टेण्ट्स, काठमाडौंलाई लेखापरीक्षक नियुक्ति गर्ने प्रस्ताव पारित पनि गरेको छ।
उक्त साधारण सभाले संस्थापक शेयरधनीहरुको तर्फबाट प्रतिनिधित्व गर्ने गरी आगामी ४ बर्षे कार्यकालका लागि ५ जना सञ्चालकहरुको निर्विरोध निर्वाचन समेत गरेको छ । संचालकहरु सुरेन्द्र कुमार गोयल, रघुनन्दन मारु, सन्दिपकुमार शारडा, अमितमोर र रोहित गुप्ता निर्विरोध निर्वाचित भएका हुन्। पाँचै जना संचालकहरु पूनःनिर्विरोध निर्वाचित भएका हुन्।
संचालकहरुको बैठकले नवनिर्वाचित सञ्चालक सुरेन्द्र कुमार गोयललाई कार्यकारी अध्यक्ष र रघुनन्दन मारुलाई कार्यकारी सञ्चालकको पुनःजिम्मेवारी दिँदै ६ सदस्यीय सञ्चालक समितिको गठन समेत सम्पन्न गरेको छ।
गत बैशाख ९ गते सम्पन्न भएको कम्पनीको आ. व. २०७४/०७५ को बार्षिक साधारण सभाबाट सर्व साधारण शेयरधनी समूहको तर्फबाट श्रीमती अलका गोयललाई ४ बर्षका लागि सञ्चालकमा निर्वाचित गरेको थियो ।
अब कम्पनीको स्वीकृत नियमावली बमोजिम १ जना स्वतन्त्र व्यावसायिक संचालकको मनोनित हुन बाँकी रहेको छ । व्ययसायिक संचालक मनोनित गरेपछि ७ सात सदस्यीय संचालक समिति पूर्ण हुनेछ।