लघुवित्तको हाल निष्काशन प्रकृयामा रहेको १५० प्रतिशत हकप्रदले समेत पाउने गरी लाभांश प्रस्ताव गरेको हो । लघुवित्तले कार्तिक २४ गतेदेखि चुक्ता पूँजीको १५० प्रतिशत अर्थात १० बराबर १५ कित्ताको अनुपातमा हकप्रद शेयर निष्काशन गर्दैछ ।
हकप्रद पछि कायम हुने ४० करोड ५० लाख रुपैयाँको १२ प्रतिशतले हुन आउने ४ करोड ८६ लाख रुपैयाँ बराबरको बोनस शेयर र सोको कर प्रयोजनको लागि ०.६३२ प्रतिशतले हुन आउने २५ लाख ५७ हजार रुपैयाँ वितरण गर्ने प्रस्ताव गरेको हो ।
गत वर्ष लघुवित्तले १५ प्रतिशत बोनस शेयर र कर प्रयोजनको लागि ०.७९ प्रतिशत नगद लाभांश वितरण गरेको थियो ।
एनएमबि माईक्रोफाइनान्सले प्रस्ताब गरेको बोनस शेयर राष्ट्र बैंक तथा लघुवित्तको आगामी साधारण सभाबाट पारित भएपछि शेयरधनीलाई वितरण हुनेछ ।
लघुवित्तको हकप्रद र बोनस पछि चुक्ता पूँजी ४५ करोड ३६ लाख रुपैयाँ पुग्नेछ ।
