चालु आवको प्रथम त्रैमासमा लघुवित्तको वार्षिक प्रतिशेयर आम्दानी ४५ रुपैयाँ ६६ पैसा पुगेको छ । अघिल्लो आवको यसै अवधिमा लघुवित्तको वार्षिक प्रतिशेयर आम्दानी ३८ रुपैयाँ २२ पैसा रहेको थियो।
लघुवित्त कम्पनीले असोज मसान्तसम्ममा ३ करोड १७ लाख ६८ हजार रुपैयाँ खुद मुनाफा आर्जन गरेको छ।
अघिल्लो आवको यसै अवधित्रमा लघुवित्तले २ करोड ३१ लाख २६ हजार रुपैयाँ मात्र कमाएको थियो। समीक्षा अवधिमा खुद मुनाफा ३७.३७ प्रतिशतले बढोत्तरी भएको हो।
शुक्रबार सार्वजनिक भएको वित्तीय विवरण अनुसार लघुवित्तले असोज मसान्तसम्म १ अर्ब ३९ करोड ३२ लाख रुपैयाँ निक्षेप संकलन, २ अर्ब सापटीबाट ३ अर्ब ७८ करोड ८५ लाख रुपैयाँ कर्जा परिचालन गरेको छ।
यसैगरि खुद ब्याज आम्दानी ६ करोड ५९ लाख ८९ हजारबाट ३६.२० प्रतिशत बढेर ८ करोड ९८ लाख ७७ हजार पुगेको छ। लघुवित्तको सञ्चालन मुनाफा ५ करोड ४ लाख रुपैयाँ छ । ब्याज आम्दानी र सञ्चालक मुनाफा बढेपछि कम्पनीको नाफा बढ्न पुगेको हो।
गत आवको मुनाफाबाट शेयरधनीलाई ११.३२ प्रतिशत नगद र १५ प्रतिशत बोनसबाट पूँजी बढाएको लघुवित्तको चुक्ता पूँजी २७ करोड ८३ लाख पुगेको छ। लाभांश वितरण पछि कम्पनीको जगेडा कोष केही खुम्चिएको छ । गत आवको प्रथम त्रैमासमा २२ अर्ब ४८ करोड रहेको जगेडा कोष २१ करोड ३ लाखमा सीमित भएको हो।
लघुवित्तको निष्क्रिय कर्जा ०.९९ बाट बढेर १.५२ प्रतिशत पुगेको छ। यस्तै प्रति शेयर नेटवर्थ १७५. रुपैयाँ ५७ पैसा, मूल्य आम्दानी अनुपात १४.२४ गुणा रहेको छ।
