चालु आर्थिक वर्षको पहिलो त्रैमासमा लघुवित्तले ५४ लाख ६४ हजार रुपैयाँ खुद नाफा कमाएको वित्तीय विवरण सार्वजानिक गरेको छ। गत आवको यसै अवधिमा ४९ लाख ३९ हजार रुपैयाँ खुद नाफा कमाएको कम्पनीले समीक्षा अवधिमा १०.६३ प्रतिशतले नाफा बढाएको हो।
यस्तै लघुवित्तको सञ्चालन मुनाफा पनि ३१ लाख ५५ हजारबाट बढेर ६७ लाख ८९ हजार पुगेको छ। खुद ब्याज आम्दानी र सञ्चालन नाफामा पनि आकर्षक वृद्धि भएको छ। गत आर्थिक वर्षको पहिलो त्रैमासमा १ करोड १६ लाख रुपैयाँ खुद नाफा कमाएको कम्पनीले चालु आर्थिक वर्षको सोहि अवधिमा १ करोड ९६ लाख रुपैयाँ खुद व्याज आम्दानी गरेको छ जुन गत वर्षको तुलनामा ६८ प्रतिशतले धेरै हो ।
माइक्रोफाइनान्सले निक्षेप संकलन ५ करोड ३७ लाख रुपैयाँबाट बढाएर २६ करोड ४९ लाख रुपैयाँ पुर्याएको छ भने कर्जा प्रवाह ६२ करोड रुपैयाँबाट बढाएर ९९ करोड ६७ लाख रुपैयाँ पुर्याएको छ ।
माइक्रोफाइनान्सले गत आर्थिक वर्षको तुलनामा चुक्ता पूँजी ३ करोड ३ लाख रुपैयाँले बढाएर १० करोड ३ लाख रुपैयाँ पुर्याएको छ। गत आवको पहिलो त्रैमासमा १.३७ प्रतिशत रहेको निष्कृय कर्जा चालु आर्थिक वर्षको पहिलो त्रैमासमा आइपुग्दा घटेर ०.८२ प्रतिशतमा झरेको छ।
वित्तीय विवरणअनुसार माइक्रोफाइनान्सको प्रतिशेयर आम्दानी २१ रुपैयाँ १२ पैसा, प्रतिशेयर नेटवर्थ १२१ रुपैयाँ ४१ पैसा र मूल्य आम्दानी अनुपात २६.२८ गुणा छ।
