बिक्री प्रबन्धक सिद्धार्थ क्यापिटलका अनुसार आईपिओमा १७ हजार ८ सय ४९ आवेदकबाट ९ लाख ५ हजार १७० कित्ताको लागि मात्रा आवेदन परेको जनाएको छ । यो सर्वसाधारणलाई निष्काशन गरेको शेयरको करिब ३० प्रतिशत मात्रै हो ।
अब बाँकी रहेको २१ लाख ७७ हजार कित्ता शेयर भने प्रत्याभूतकर्ताले सकार्नुपर्नेछ ।
सर्वसाधारणलाई निष्काशित गरेको ३३ लाख ५१ हजार १४० कित्ता शेयर मध्ये २ लाख ६८ हजार ९१ कित्ता शेयर सामुहिक लगानी कोष तथा कम्पनीका कर्मचारीहरुलाई छुट्याएर बाँकी रहेको ३० लाख ८३ हजार ४९ कित्ता सर्वसाधारणको लागि बिक्री खुल्ला गरिएको थियो ।
कम्पनीको आईपीओमा न्यून आवेदन परेपछि असोज २५ गतेदेखि संगठित संस्थाहरुले समेत आवेदन दिन पाउने गरी व्यवस्था थप गरिएकाे थियो। संगठित संस्थाहरुले समेत भर्न पाउने व्यवस्था भएपनि कम्पनीको आईपीओमा भने न्यून आबेदन परेको छ ।
कम्पनीले यसअघि गत पुस २७ गतेदेखि आयोजना प्रभावित क्षेत्रका स्थानीयलाई १४ लाख ७६ हजार कित्ता शेयर निष्काशन गरेको थियो। जसमा ३ लाख ३९ हजार कित्ता शेयर मात्र बिक्री भएपछि बाँकी रहेको ११ लाख ३६ हजार कित्ता शेयर समेत थप गरी सर्वसाधारणमा बिक्री गरेको थियो।