गत आवको प्रथम त्रैमासमा लघुवित्तको चुक्ता पूँजी २ करोड ४० लाख मुनाफा २१ लाख ९४ हजार रहेको थियो। हाल पूँजी ८ करोड ४० लाख र मुनाफा ४२ लाख ३५ हजार रुपैयाँ पुगेको हो। पूँजी वृद्धिका लागि लघुवित्तले २५० प्रतिशत हकप्रद जारी गरेको थियो।
यसअघि सबैभन्दा कम चुक्ता पूँजी रहेको यस लघुवित्तले पूँजी वृद्धिसँगै व्यवसायको आकार बढाउँदा मुनाफा दोब्बर बढीले सुधारिएको हो। लघुवित्तको वार्षिक प्रतिशेयर आम्दानी २० रुपैयाँ १६ पैसा छ।
यस अवधिमा लघुवित्तले १७ करोड ८ लाख निक्षेप संकलन र ७८ करोड २४ लाख सापटीबाट ९८ करोड १३ लाख बराबरको कर्जा लगानी गरेको छ। यसबाट लघुवित्तले एक करोड १३ लाख ८२ हजार खुद ब्याज आम्दानी र ६४ लाख २६ हजार रुपैयाँ सञ्चालन मुनाफा आर्जन गरेको छ ।
समीक्षा अवधिमा लघुवित्तको निक्षेप संकलन ८ करोड ५७ लाख, सापटी ३९ करोड ८५ लाख, कर्जा लगानी ६३ करोड ४९ लाख तथा खुद ब्याज आम्दानी २४ लाख १६ हजार रुपैयाँले बढेको छ।
त्यसैगरी लघुवित्तको जगेडा कोष समीक्षा अवधिमा १ करोड ९७ लाख बाट २ करोड ८६ लाख बढेर ४ करोड ८३ लाख रुपैयाँ पुगेको छ। यस अवधिमा लघुवित्तको खराब कर्जा अनुपात १.१५ प्रतिशत, प्रतिशेयर नेटवर्थ १५७ रुपैयाँ ५० पैसा, मूल्य आम्दानी अनुपात ९९.०१ गूणा र कोषको लागत ११.९८ प्रतिशत रहेको छ।