अघिल्लो आवबाट १८ प्रतिशत बोनस वितरण गरि एक अर्ब १८ करोडमा चुक्ता पूँजी रहेको लघुवित्त कम्पनीको वार्षिक प्रतिशेयर आम्दानीमा १३ रुपैयाँले सुधार भई ७५ रुपैयाँ ४६ पैसा कायम भएको छ।
लघुवित्तको चुक्ता पूँजीभन्दा जगेडा कोष मजबुत छ। लघुवित्तको जगेडा कोष ४० प्रतिशतको बढोत्तरी भई १ अर्ब ८६ करोड २८ लाख रुपैयाँ सञ्चित भएको छ।
गत आर्थिक बर्षको मुनाफाबाट कम्पनीले २७.१२ प्रतिशत बोनस र १७.२२ प्रतिशत नगद गरि ४४.३४ प्रतिशत वितरण गर्ने प्रस्ताव गरेको छ । जुन बोनस पूँजीकरण हुन बाँकी छ।
छिमेकले यस अवधिमा निक्षेप २८ र कर्जा लगानी प्रतिशत धेरैले विस्तार गर्दा उसको खुद ब्याज आनम्दानीम पनि करिब २६ प्रतिशतको वृद्धि हासिल भएको छ। असोज मसान्तसम्म लघुवित्तले १६ अर्ब ५ करोड ३८ लाख रुपैयाँ निक्षेप संकलन तथा ४ अर्ब ५५ करोड ३६ लाख रुपैयाँ बैंक तथा वित्तीय संस्थाहरुबाट सापटी लिएर १९ अर्ब ७९ करोड २ लाख रुपैयाँ कर्जा लगानी गरेको छ ।
यसबाट लघुवित्तको गत आवमा रहेको ३३ करोड ३७ लाख ३८ हजारको खुद ब्याज आम्दानी रकम ४९ करोड ५३ लाख ६८ हजार रुपैयाँमा पुगेको छ । खुद ब्याज आम्दानी र सञ्चालन नाफा सुधार आएपछि कम्पनीको नाफा बढेको हो। यस अवधिमा लघुवित्तले ३४ करोड २४ लाख सञ्चालन मुनाफा आर्जन गरेको छ।
छिमेकको खराब कर्जा अनुपात ०.३० प्रतिशत, प्रतिशेयर नेटवर्थ २५७ रुपैयाँ ८६ पैसा, र मूल्य आम्दानी अनुपात १२.७९ प्रतिशत रहेको छ।