समीक्षा अवधिमा बैंकको वितरणयोग्य नाफा १८ करोड ५४ लाख रुपैयाँ छ। यस्तै बैंकको शेयरधनी कोष पनि ९६ करोडबाट १९ प्रतिशतले वृद्धि भई एक अर्ब १४ करोड ५७ लाख पुगेको छ ।
बैंकमा परसुराम कुँबर सीईओ भएपश्चात समग्र सूचाङ्कहरुमा प्रगति हुँदै आएको छ भने खर्चप्रणाली पनि व्यवस्थित बन्दा बैंकको प्रगति उम्दो छ। आठ अर्ब रुपैयाँमा चुक्ता पूँजी ८ स्थिर रहेको बैंकले जगेडा कोष ९.६० प्रतिशतले बढाएर अझै मजबुत बनाउँदै लगेको छ।
मर्जरका कारण बैंकको निक्षेप संकलन र कर्जा प्रवाहमा भने सुस्तता देखिएको छ । दुबैको वृद्धि ३ प्रतिशत हाराहारीमा मात्र छ। असोज मसान्तसम्म बैंकले ७५ अर्ब ३ करोड ९० लाख निक्षेप संकलन गरि ६८ अर्ब ५९ करोड ८८ लाख रुपैयाँ कर्जा परिचालन गरेको छ । यसबाट बैंकको खुद ब्याज आम्दानीमा २५.४७ प्रतिशत वृद्धि भई ९९ करोड ७५ लाख आर्जन भएको छ ।
निष्कृय कर्जा अनुपातमा पनि बैंकले सुधार गरेको छ। यस अवधिमा बैंकको खराब कर्जा १.५४ प्रतिशतबाट घटाएर १.३३ प्रतिशतमा झारेको छ । बैंकको प्रतिशेयर आम्दानी २ रुपैयाँ २४ पैसा बढेर १८ रुपैयाँ ३४ पैसा पुगेको छ भने बैंकको प्रतिशेयर नेटवर्थ १३७ रुपैयाँ ५० पैसा र मूल्य आम्दानी अनुपात ११.६७ गुणा छ।
यस अवधिमा बैंकको पूँजी कोष अनुपात १३.०६ प्रतिशत, कर्जा निक्षेप अनुपात ७९.९४ प्रतिशत, आधारदर १०.१३ प्रतिशत, स्प्रेडदर ४.९५ प्रतिशत र कोषको लागत ७.५३ प्रतिशत रहेको छ । समीक्षा अवधिमा कोषको लागत र आधार दरमा सुधार भएको छ भने स्प्रेडदर र कर्जा निक्षेप अनुपात बढेको छ भने पूँजी कोषमा संकुचन आएको देखिन्छ।
बैंकले गत आवको मुनाफाबाट ६ प्रतिशत बोनस र ६ प्रतिशत नगद लाभांश अनुमोदन गराउन मंसिर २ गते साधारण सभा आह्वान गरेको छ । सभाले ग्लोबलसँगको मर्जरलाई पनि अन्तिम स्वीकृति प्रदान गर्नेछ।