लघुवित्तले गत आर्थिक वर्षको कमाईबाट बोनस वितरण गर्न बुकक्लोज गरेसँगै नेपाल स्टक एक्सचेञ्जले कम्पनीको शेयरमूल्य समायोजन गरी नयाँ शेयरमूल्य निर्धारण गरेको हो।
नेप्सेले लघुवित्तको शेयरमूल्य समायोजन गरी प्रतिकित्ता ७४५ रुपैयाँ ५३ पैसा कायम गरेको छ । समायोजित मूल्यलाई आधार मानेर सोमबार लघुवित्तको नेप्सेमा शेयर कारोबार खुलेको छ।
लघुवित्तले गत आर्थिक वर्षको कमाइबाट शेयरधनीलाई १७.५० प्रतिशत बोनस वितरण गर्न मंसिर ९ गते साधारण सभा आह्वान गरेको छ।
यसअघि लघुवित्तले ३५ प्रतिशत बोनस वितरण गर्ने प्रस्ताव गरेपनि शतप्रतिशत हकप्रदले समेत पाउने भएपछि लाभांशदर समायोजन भई १७.५० प्रतिशतमा झरेको हो।
लघुवित्तले बोनस वितरण गर्न सोमबारदेखि बुकक्लोज गरेकाले आइतबारसम्म कायम भएका शेयरधनीहरुले मात्र उक्त बोनस पाउनेछन्। हकप्रदपश्चात लघुवित्तको चुक्ता पूँजी २२ करोड ९ लाख रुपैयाँ कायम भएको छ।
