यससँगै इरानको कच्चा तेल भण्डार एक तिहाईभन्दा धेरैले बढेर १ खर्ब ५५ अर्ब ब्यारेलमा पुग्ने अनुमान गरिएको छ ।
रउहानीले घोषणा गरेअनुसारको कच्चा तेल भण्डार इरानको दक्षिणी प्रान्त खुजेस्तानमा रहेको छ । यो प्रान्त इरानको महत्वपूर्ण तेल उद्योगको मुख्य क्षेत्र हो ।
अमेरिकाले अहिले इरानी तेलको खरिदमा विश्वभरका मुलुकलाई प्रतिबन्ध लगाइ रहेको अवस्थामा इरानले नयाँ तेल खानी पत्ता लगाएको हो ।
नयाँ तेल खानी पत्ता लाग्नुलाई रउहानीले एउटा गतिलो जवाफ भएको बताएका छन् । प्रतिबन्धको कारण अहिले इरानको तेल निर्यातमा उल्लेख्य कमी आएको छ।
रउहानीले यो तेलखानी सरकारको तर्फबाट ईरानका जनताका लागि एउटा सानो उपहार भएको बताएका छन्।
उक्त खोजपछि ईरानको स्थापित कच्चा तेल भण्डरण क्षमतामा ३४ प्रतिशतले वृद्धि हुनेछ। इरान अहिले विश्वको चौथो सबैभन्दा ठूलो कच्चा तेल भण्डार भएको मुलुकका रुपमा रहेको छ।
-एजेन्सी