नेप्से परिसूचक यस दिन १३.७७ अंक बढेर एक हजार १४५.५७ बिन्दुमा पुगेको छ। नेप्सेसँगै यस दिन कारोबार रकम बढेको छ। यस दिन १७५ कम्पनीको ६ हजार ६४८ पटकको कारोबारमा ५४ करोड ९९ लाख ९८ हजार रुपैयाँ बराबरको १९ लाख ९५ हजार कित्ता शेयर किनबेच भएको छ।
नेप्से उकालो लागेसँगै यस दिन ४ कम्पनीहरुको शेयरमूल्यमा सकारात्मक सर्किट लागेको छ। कारोबारमा आएका हिमालयन डिष्टिलरी, सबैको लघुवित्त वित्तीय संस्था, रिडी हाइड्रोपावर र आँखुखोला जलविद्युत कम्पनीको शेयरमूल्य बढेर सकारात्मक सर्किट लागेको हो।
हिमालयन डिष्टिलरीले १०२.५६ प्रतिशत लाभांश वितरण गर्ने घोषणा गरेका कारण शेयरमूल्य बढेको हो। त्यसैगरी, सबैको लघुवित्तले १३ प्रतिशत बोनस शेयर र रिडी हाइड्रोपावर ५ प्रतिशत बोनस शेयर घोषणा गरेका कारण लगानीकर्ताहरु आकर्षित भएका हुन्।
आँखुखोलाको शेयरमूल्य भने सस्तो भएका कारण लगानीकर्ताहरु खरीद गर्न थालेका हुन्।
एनआईबिएल समृद्धि फन्ड १ को इकाईमूल्य यस दिन ५.७७ प्रतिशत घटेको छ।
- कूल कारोबार रकमका एनएमबिको हिस्सा २५ प्रतिशत
गत बिहीबारदेखि मर्जरपश्चात कारोबारमा आएको एनएमबि बैंकको यस दिन करिब १४ करोड बराबरको शेयर किनबेच भएको छ। यो यस दिनको कूल कारोबार रकमको २५ प्रतिशत हो । बैंकले ३५ प्रतिशत लाभांश घोषणा गरेका कारण पनि कारोबार बढेको हो। यो वाणिज्य बैंकहरुले हालसम्म घोषणा गरेकोमध्ये उच्चतम हो।
बिहीबार अन्य उपसमूहको परिसूचकबाहेक अरु सबै उपसमूहको परिसूचक बढेको छ ।