बिहीबार छापावाला सुनको भाउ तोलामा ६०० रुपैयाँले बढेर प्रतितोला ७२ हजार रुपैयाँमा कारोबार भइरहेको छ भने तेजाबी सुन पनि तोलामा ६०० रुपैयाँले बढेर प्रतितोला ७१ हजार ७०० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ।
अघिल्लो दिन बुधबार पनि छापावाला सुनको भाउ तोलामा २०० रुपैयाँले बढेर ७१ हजार ४०० रुपैयाँमा कारोबार भएको थियो भने तेजावी सुन प्रतितोला ७१ हजार १०० रुपैयाँमा कारोबार भएको थियो।
यस दिन सुनसँगै चाँदीको भाउमा समेत बृद्धि भएको छ। बिहीबार चाँदी तोलामा १० रुपैयाँले बढेर ८६० रुपैयाँमा कारोबार भइरहेको महासंघले जनाएको छ।
अघिल्लो दिन बुधबार चाँदी तोलामा ५ रुपैयाँले बढेर प्रतितोला ८५० रुपैयाँमा कारोबार भएको थियो।