गत आर्थिक वर्षको पहिलो त्रैमासमा कम्पनीले १५ करोड ३९ लाख रुपैयाँ खुद बीमा शुल्क आर्जन गरेको थियो।
यस्तै, कम्पनीले लगानी, कर्जा तथा अन्यबाट २ करोड ५० लाख रुपैयाँ र बीमालेख धितोमा ५ करोड ६२ लाख रुपैयाँ लगानी गरी १७ लाख ५१ हजार रुपैयाँ आम्दानी गरेको छ।
गत आवको असोज मसान्तको तुलनामा चालु आवको यसै अवधिमा इन्स्योरेन्सको खुद नाफा २ करोड ८१ लाख रुपैयाँ बढेर ५ करोड १ लाख रुपैयाँ पुगेको छ। गत आवको यस अवधिमा इन्स्योरेन्सले २ करोड १९ लाख रुपैयाँ मात्रै खुद नाफा कमाएको थियो।
यस अवधिमा इन्स्योरेन्सले कूल ४ हजार २३७ बीमा लेख जारी गरी ३३ करोड ९४ लाख २७ हजार रुपैयाँ बीमा शुल्क आर्जन गरेको छ। हाल इन्स्योरेन्सको एक लाख ४ हजार ९१५ बीमालेख कायम छ।
असोज मसान्तसम्ममा इन्स्योरेन्सले १५ वटा दाबी बापत एक करोड ५ लाख ५६ हजार रुपैयाँ भुक्तानी गरेको छ भने ७ दाबी बापत ४४ लाख ५० हजार रुपैयाँ भुक्तानी गर्न बाँकी छ।
हाल एक अर्ब ७५ करोड रुपैयाँ चुक्ता पूँजी रहेको इन्स्योरेन्सले निकट भविष्यमा जारी पूँजीको ३० प्रतिशतको हुन आउने ७५ करोड रुपैयाँको साधारण शेयर निष्काशन गर्ने तयारी छ। जसका लागि कम्पनीले साधारण सभाबाट सार्वजनिक निष्काशन गर्ने प्रस्ताव पारित गरिसकेको छ। आईपीओ पश्चात चुक्ता पूँजी २ अर्ब ५० करोड रुपैयाँ पुग्नेछ।
असोज मसान्तसम्ममा इन्स्योरेन्सको जगेडा कोषमा ३७ करोड ५० लाख रुपैयाँ तथा जीवन बीमा कोषमा ८० करोड ३८ लाख रुपैयाँ सञ्चित छ।