गत वर्षको यहि अवधिमा बैंकले ३० करोड १९ लाख रुपैयाँ खुद नाफा कमाएको थियो। बैंकको वितरण योग्य नाफा भने १४ करोड ८६ लाख रुपैयाँ छ। राष्ट्र बैंकले तोकेको व्यवस्था अनुरुप बैधानीक जगेडा र नियामकीय जगेडा कोषमा गरि कूल २५ करोड ३८ लाख ८५ हजार रुपैयाँ छुट्याउँदा बैंकको वितरणयोग्य मुनाफामा भने कमी आएको हो।
यस अवधिमा बैंकले ५८ अर्ब ३७ करोड निक्षेप संकलन गरी ५५ अर्ब ८५ करोड रुपैयाँ कर्जा लगानी गरेको छ। समीक्षा अवधिमा बैंकको निक्षेप संकलन २६ र कर्जा लगानी विस्तार १५ प्रतिशतले सुधार भएको हो।
त्यसबाट बैंकले ७४ करोड ७९ लाख रुपैयाँ खुद ब्याज आम्दानी गरेको छ। समीक्षा अवधिमा बैंकको खुद ब्याज आम्दानी भने ८.३३ प्रतिशतले सुधार भएको छ। गत आवको प्रथम त्रैमासको तुलनामा बैंकको सञ्चालन मुनाफा २४ प्रतिशतले बढेर ५५ करोड ९४ लाख पुगेको छ
चुक्ता पूँजी ८ अर्ब ८ करोड ८२ लाख रुपैयाँ रहेको बैंकको जगेडा कोषमा तीन अर्ब ५४ करोड रुपैयाँ सञ्चित छ। पूँजी स्थीर रहेको यस बैंकको यस अवधिमा जगेडा कोषमा भने १२ प्रतिशत धेरैले गिरावट आएको देखिन्छ।
गत आवको प्रथम त्रैमासमा बैंकको प्रतिशेयर आम्दानी १४ रुपैयाँ ९३ पैसा रहेकोमा ४ रुपैयाँ ९८ पैसाले बढेर चालु आवको यसै अवधिमा वार्षिक १९ रुपैयाँ ९१ पैसा कायम भएको हो।
बैंकको खराब कर्जा अनुपात ०.४२ प्रतिशतले बढेर १.९७ प्रतिशत पुगेको छ। यस्तै प्रतिशेयर नेटवर्थ १५८ रुपैयाँ ३४ पैसा र मूल्य आम्दानी अनुपात १०.२५ गुणा रहेको छ। बैंकको आधारदर ९.८७ प्रतिशत र कर्जा निक्षेप आम्दानी ७५.७३ प्रतिशत रहेको छ।
गत आर्थिक वर्षको असोजसम्ममा बैंकको आधार ब्याजदर १०.२० प्रतिशत, कोषको लागत ७.४३ प्रतिशत रहेको थियो।
