गत आवको पहिलो त्रैमासमा कम्पनीले २६ करोड ७८ लाख रुपैयाँ खुद नाफा आर्जन गरेको थियो।
विद्युत बिक्री मार्फतको आम्दानी घट्नुका साथै कम्पनीको समग्र खर्च बढ्दा नाफामा गिरावट देखिएको हो। हाइड्रोको सञ्चालन नाफा गत वर्षको तुलनामा १३.१५ प्रतिशतले घटेको छ।
यस अवधिमा कम्पनीले विद्युत विक्री मार्फत् ३५ करोड १० लाख रुपैयाँ आम्दानी गरेको छ। यो गत वर्षको यसै अवधिको तुलनामा २.९४ प्रतिशतले आम्दानी कम हो। गत आवमा कम्पनीले विद्युत विक्री मार्फत् ३६ करोड १६ लाख रुपैयाँ आम्दानी गरेको थियो।
चुक्ता पूँजी २० प्रतिशतले बढाएको कम्पनीको नाफा घट्दा प्रतिशेयर आम्दानी ८ रुपैयाँ ७९ पैसाले घटेर १८ रुपैयाँ २४ पैसा कायम भएको छ। गत आवमा कम्पनीको प्रतिशेयर आम्दानी गत वर्ष २७ रुपैयाँ ०३ पैसा थियो।
कम्पनीले अघिल्लो आवमा २० प्रतिशत बोनसबाट पूँजीवृद्धि गरेको थियो। पूँजी वृद्धिको अनुपातमा खुद मुनाफा बढ्न नसक्दा त्यसको असर इपिएसमा देखिएको हो।
गत आवको प्रथम त्रैमासको तुलनामा कम्पनीले टर्म डिपोजिट ४६ प्रतिशत धेरै अर्थात एक अर्ब ५१ करोड जम्मा गरेको छ भने बैंक मौज्दात रकम ८३ प्रतिशतले घटाएर ३ करोड २३ लाख मात्र सञ्चित राखेको छ।
यस कम्पनीले अन्य विभिन्न कम्पनीमा ५ अर्ब ९३ करोड लगानी गरेको छ भने कर वापतको खर्च पनि ५० प्रतिशतले बढेर ५ करोड ५६ लाख पुगेको छ।
चुक्ता पूँजी बढाएर ४ अर्ब ७५ करोड ८१ लाख रुपैयाँ पुर्याएको कम्पनीको शेयरधनी कोष ४८ करोड १७ लाख अर्थात् ९.१९ प्रतिशतले घटेर ४ अर्ब ७५ करोड ९९ लाख रुपैयाँमा सीमित बनेको छ।
कम्पनीको प्रतिशेयर नेटवर्थ २०० रुपैयाँ ०४ पैसा र मूल्य आम्दानी अनुपात २३.१८ गुणा छ।
