शुक्रबार छापावाला सुनको भाउ तोलामा २०० रुपैयाँले घटेर प्रतितोला ७१ हजार ८०० रुपैयाँमा कारोबार भइरहेको छ भने तेजाबी सुन पनि तोलामा २०० रुपैयाँले घटेर प्रतितोला ७१ हजार ५०० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ।
अघिल्लो दिन बिहीबार छापावाला सुनको भाउ तोलामा ६०० रुपैयाँले बढेर ७२ हजार रुपैयाँमा कारोबार भएको थियो भने तेजावी सुन प्रतितोला ७१ हजार ७०० रुपैयाँमा कारोबार भएको थियो।
यस दिन सुनसँगै चाँदीको भाउ पनि घटेको छ। शुक्रबार चाँदी तोलामा ५ रुपैयाँले घटेर ८५५ रुपैयाँमा कारोबार भइरहेको महासंघले जनाएको छ।
अघिल्लो दिन बिहीबार चाँदी तोलामा १० रुपैयाँले बढेर प्रतितोला ८६० रुपैयाँमा कारोबार भएको थियो।
