गत वर्षको पहिलो त्रैमासमा इन्स्योरेन्सले २ अर्ब ९० करोड रुपैयाँ कुल बीमा शुल्क आर्जन गरेको थियो।
इन्स्योरेन्सले यस अवधिमा ४ अर्ब १७ करोड ९७ लाख रुपैयाँ खुद बीमा शुल्क आर्जन गरेको छ। कम्पनीको खुद बीमा शुल्क पनि गत वर्षको यहि अवधिको तुलनामा ४४.५० प्रतिशतले बढी हो। गत वर्षको यहि अवधिमा २ अर्ब ८९ करोड २६ लाख रुपैयाँ खुद बीमा शुल्क संकलन गरेको छ।
यस अवधिमा इन्स्योरेन्सले लगानी, कर्जा तथा अन्य आयबाट एक अर्ब ८ करोड ३० लाख रुपैयाँ, पुर्नबीमा कमिशन वापत ४७ लाख २३ हजार र बीमालेख धितोमा १० अर्ब ९६ करोड ९१ लाख रुपैयाँ कर्जा लगानी गरेर २९ करोड ९ लाख रुपैयाँ आम्दानी गरेको छ।
यस अवधिमा इन्स्योरेन्सको खुद नाफा भने ५१.५५ प्रतिशतले घटेर २ करोड २६ लाख रुपैयाँमा झरेको छ । गत वर्षको यही अवधिमा इन्स्योरेन्सले ४ करोड ८८ लाख रुपैयाँ खुद नाफा कमाएको थियो । कम्पनीको आम्दानी बढेपनि खर्च बढ्दा खुद नाफामा गिरावट देखिएको हो।
इन्स्योरेन्सले आर्थिक वर्ष २०७४/७५ को मुनाफाबाट शेयरधनीलाई ३४.४६ प्रतिशत बोनस वितरण पछि चुक्ता पूँजी दुई अर्ब एक करोड रुपैयाँ पुर्याएको छ । इन्स्योरेन्सको जगेडा कोषमा ४२ करोड २२ लाख रुपैयाँ, जीवन बीमा कोषमा ५७ अर्ब ८० करोड ४२ लाख रुपैयाँ र महा बिपत्ती कोषमा २३ करोड ६२ लाख रुपैयाँ सञ्चित छ।
कुल ७ लाख ४९ हजार ८८४ बीमालेख कायम रहेको इन्स्योरेन्सले यस अवधिमा ३ हजार ३१६ वटा दाबी वापत ९२ करोड ६५ लाख रुपैयाँ भुक्तानी गरेको छ भने २२ करोड ६४ लाख रुपैयाँ भुक्तानी गर्न बाँकी छ।
इन्स्योरेन्सको प्रतिशेयर आम्दानी १ रुपैयाँ १८ पैसा, प्रतिशेयर नेटवर्थ १३२ रुपैयाँ ७५ पैसा र मूल्य आम्दानी अनुपात ८३८.६७ गुणा छ।