गत आर्थिक वर्षको पहिलो त्रैमासमा इन्स्योरेन्स ४ करोड ५ लाख ५ हजार पैयाँ नाफा कमाएको थियो ।
असोज मसान्तसम्ममा कम्पनीले ७ करोड ७८ लाख खुद बीमाशुल्क आर्जन गरेर ३ करोड १७ लाख खुद दाबी भुक्तानी गरेको छ। कम्पनीले पुर्नबीमा आयबाट ३ करोड ३५ लाख, लगानी कर्जा तथा अन्यबाट ३ करोड २५ लाख आम्दानी गरेको छ। समीक्षा अवधिमा खुद बीमाशुल्क, खुद दाबी भुक्तानी, पुर्नबीमा आय र लगानी कर्जा तथा अन्यबाट हुने आम्दानीमा समेत गिरावट देखिएको छ।
असोज मसान्तसम्ममा यस कम्पनीले २४ करोड ५२ लाख कुल बीमाशुल्क आर्जन गरेको छ। गत आवको यसै अवधिमा इन्स्योरेन्सले ४५ करोड ८५ लाख बीमाशुल्क आर्जन आर्जन गरेको थियो।
मुनाफा घटेसँगै एक अर्ब २ करोड २७ लाख रुपैयाँ चुक्ता पूँजी रहेको कम्पनीको वार्षिक प्रतिशेयर आम्दानी ३ रुपैयाँ ३४ पैसाले घटेर १२ रुपैयाँ ४३ पैसामा झरेको छ। उसको जगेडा कोष भने ५० प्रतिशतले सुधार भई २६ करोड एक लाख पुगेको छ। उसको प्रतिशेयर नेटवर्थ १७७ रुपैयाँ ४४ पैसा छ।
यस्तै बीमा कोषमा १५ प्रतिशतले बढेर ४ करोड ९२ लाख रुपैयाँ सञ्चित रहेको छ । असोज मसान्तसम्म कम्पनीले एक हजार ८७ संख्यामा परेको दाबी बापत ५ करोड १८ लाख ४७ हजार रुपैयाँ खुद दाबी भुक्तानी गरेको छ भने एक हजार ३३२ संख्यामा परेको १ अर्ब ५४ करोड ३० लाख ८८ हजार रुपैयाँ भुक्तानी हुन बाँकी छ।