बैंकले चालु आर्थिक वर्षको पहिलो त्रैमासमा ३४ करोड ३ लाख रुपैयाँ खुद नाफा कमाएको छ। यो गत आर्थिक वर्षको यहि अवधिको २०.१६ प्रतिशत अर्थात ८ करोड ८४ लाख रुपैयाँले कम हो। गत बर्षको पहिलो त्रैमासमा बैंकले ४२ करोड ८७ लाख रुपैयाँ खुद नाफा आर्जन गरेको थियो।
यस अवधिका बैंकको वितरण योग्य नाफा १० करोड २९ लाख रुपैयाँ रहेको छ। राष्ट्र बैंकले तोकेको व्यवस्था अनुरुप बैधानीक जगेडा र नियामकीय जगेडा कोषमा गरि कूल २३ करोड ७४ लाख ४२ हजार रुपैयाँ छुट्याउँदा बैंकको वितरणयोग्य मुनाफा १० करोड २९ लाख कायम भएको हो।
यस अवधिमा बैंकले ६६ अर्ब २ करोड रुपैयाँ निक्षेप संकलन गरी ६३ अर्ब २० करोड रुपैयाँ कर्जा प्रबाह गरेको छ। गत आर्थिक वर्षको तुलनामा बैंकको निक्षेप एक अर्ब एक करोडले घटेपनि कर्जा परिचालन भने २ अर्ब ७ करोड रुपैयाँ बढाएको छ।
गत वर्षको पहिलो त्रैमासमा बैंकले ६७ अर्ब ३ करोड निक्षेप संकलन गरी ६१ अर्ब १३ करोड रुपैयाा कर्जा परिचालन गरेको थियो ।
चुक्ता पूँजी ८ अर्ब १३ करोड रुपैयाँ रहेको बैंकको जगेडा कोषमा २ अर्ब ७६ करोड रुपैयाँ संचित छ भने रिटेन्ड अर्निकङ्ग एक अर्ब ७२ करोड रुपैयाँ छ । बैंकको प्रतिशेयर आम्दानी १६ रुपैयाँ ७४ पैसा, प्रतिशेयर नेटवर्थ १५७ रुपैयाँ ३० पैसा, खराव कर्जा २.८७ प्रतिशत र मूल्य आम्दानी अनुपात ११.७१ गुणा बढी छ ।
यस्तै बैंकको पूँजी कोष अनुपात १३.२ण् प्रतिशत, आधार ब्याजदर १०.७७ प्रतिशत, कोषको लागत ७.५३ प्रतिशत, कर्जा निक्षेप अनुपात ७७.८६ प्रतिशत रहेको छ ।
