गत आर्थिक वर्षको पहिलो त्रैमासमा कम्पनीले ४ करोड १२ लाख रुपैयाँ मात्रै खुद नाफा गरेको थियो।
लगानी, कर्जा तथा अन्य आम्दानीमा वृद्धि र त्रैमासिकको सुरुको भुक्तानी हुन बाँकी दाबी बापतको व्यवस्था बढेपछि कम्पनीको नाफामा सुधार देखिएको हो ।
असोज मसान्तसम्ममा इन्स्योरेन्सले २१ करोड रुपैयाँ खुद बीमा शुल्क आर्जन गरेको छ। जुन गत आर्थिक वर्षको यसै अवधिको तुलनामा एक करोड ६ लाख रुपैयाँ कम हो। गत आर्थिक वर्षको यहि अवधिमा कम्पनीले २२ करोड ६ लाख रुपैयाँ खुद बीमा शुल्क आर्जन गरेको थियो।
यस्तै, कम्पनी पुनर्बीमा कमिशन आयबाट ५ करोड ५४ लाख, लगानी कर्जा तथा अन्य आयबाट २ करोड २१ लाख रुपैयाँ आम्दानी गरेको छ।
इन्स्योरेन्सले असोज मसान्तसम्ममा एक हजार ८२९ दाबी वापत २४ करोड ९४ लाख रुपैयाँ दाबी भुक्तानी गरेको छ भने ५ हजार ८४ दाबी वापत एक अर्ब ८५ करोड ९७ लाख रुपैयाँ भुक्तानी गर्न बाँकी छ।
एक अर्ब ७ करोड ४५ लाख रुपैयाँ चुक्ता पूँजी रहेको कम्पनीको जगेडा कोषमा १९ करोड ८६ लाख रुपैयाँ, बीमा कोषमा ५२ करोड ७५ लाख रुपैयाँ र महाविपत्ती जगेडा कोषमा ४ करोड ८७ लाख रुपैयाँ छ।
कम्पनीले ४९ हजार ४३३ बीमालेख जारी गरी ४३ करोड ८ लाख रुपैयाँ कूल बीमा शुल्क संकलन गरेको छ। यस अवधिमा कम्पनीको २ हजार ४४७ बीमालेखहरु नवीकरण भएका छन्।
यस अवधिमा कम्पनीको प्रतिशेयर आम्दानी २१.५३ रुपैयाँ, प्रतिशेयर नेटवर्थ १७२ रुपैयाँ १२ पैसा र मुल्य आम्दानी अनुपात २३.०४ गुणा छ।