चालु आर्थिक वर्षको पहिलो त्रैमासमा इन्स्योरेन्सले ३ करोड १२ लाख रुपैयाँ खुद नाफा कमाएको छ। यो गत वर्षको यहि अवधिको तुलनामा १९ लाख ५३ हजार रुपैयाँले कम हो। गत आर्थिक वर्षको पहिलो त्रैमासमा इन्स्योरेन्सले ३ करोड ३२ लाख रुपैयाँ खुद नाफा कमाएको थियो ।
यस अवधिका इन्स्योरेन्सको खुद बीमा शुल्क एक करोड ३५ लाख रुपैयाँले घटेर १२ करोड ४१ लाख रुपैयाँमा सिमित भएको छ। गत आर्थिक वर्षको यहि अवधिमा इन्स्योरेन्सले १३ करोड ७७ लाख रुपैयाँ खुद बीमा शुल्क कमाएको थियो।
यस्तै इन्स्योरेन्सले पुर्नबीमा कमिशनबाट ६ करोड ३१ लाख, लगानी कर्जा तथा अन्यआयबाट एक करोड ८ लाख रुपैयाँ आम्दानी गरेको छ।
चुक्ता पूँजी ६४ करोड १५ लाख रुपैयाँ रहेको इन्स्योरेन्सको जगेडा कोषमा २० करोड ६१ लाख रुपैयाँ, बीमा कोषमा ४७ करोड ९० लाख रुपैयाँ र महाविपत्ती कोषमा ४ करोड ३४ लाख रुपैयाँ सञ्चित छ।
इन्स्योरेन्सले यस अवधि सम्ममा २७ हजार ८७८ वटा बीमालेख जारी गरी ३३ करोड ५२ लाख रुपैयाँ कूल बीमा शुल्क आर्जन गरेको छ।
यस अवधिमा कम्पनीले एक हजार ४६१ दाबी वापत २८ करोड ७३ लाख रुपैयाँ भुक्तानी गरेको छ भने २ हजार ९५४ दाबीवापत अझै ५३ करोड ९२ लाख रुपैयाँको भुक्तानी गर्न बाँकी छ ।
कम्पनीको प्रतिशेयर आम्दानी १९ रुपैयाँ ५० पैसा, प्रतिनेटवर्थ २१३ रुपैयाँ ५८ पैसा र मूल्य आम्दानी अनुपात २३.४८ गुणा बढी छ ।
