चालु आर्थिक वर्षको असोज मसान्तसम्ममा बैंकले २४ लाख ३ हजार खुद नाफा कमाएको छ। गत आर्थिक वर्षको यसै अवधिमा बैंकको खुद नाफा १ लाख ४८ हजार ऋणात्मक रहेको थियो।
समीक्षा अवधिमा बैंकको चुक्ता पूँजी ९ करोड ३ लाख ७२ हजार बढेर १६ करोड ३३ लाख ६६ हजार पुगेको छ। त्यसैगरी, बैंकको जगेडा कोष २ करोड १ लाख ५४ हजार बढेर ७ करोड २९ लाख पुगेको छ।
बैंकले असोज मसान्तसम्ममा ८४ करोड ५८ लाख ६६ हजार निक्षेप सङ्कलन गरी ६५ करोड २२ लाख कर्जा प्रवाह गरेको छ। यसबापत बैंकले ९९ लाख ८९ हजार रुपैयाँ खुद ब्याज आम्दानी गरेको छ। यो गत आवको सोही अवधिको तुलनामा ४० लाख ३८ हजार बढी हो।
गत आर्थिक वर्षको प्रथम त्रैमाससम्ममा २ लाख ३३ हजार ऋणात्मक रहेको बैंकको सञ्चालन मुनाफा चालु आर्थिक वर्षको यसै अवधिमा २४ लाख ३ हजार धनात्मक भएको छ। बैंकले समीक्षा अवधिमा अन्य सञ्चालन खर्च २६ लाख ३८ हजार घटाउन सफल भएका कारण सञ्चालन मुनाफा धनात्मक भएको हो।
समीक्षा अवधिमा बैंकको निष्क्रिय कर्जा २.२० प्रतिशतबाट घटेर ०.६२ प्रतिशतमा सीमित भएको छ। बैंकले असोज मसान्तसम्ममा १५ लाख ५९ हजार रुपैयाँ सम्भावित जोखिम बापतको व्यवस्थामा छुट्याएको छ।
सो अवधिसम्ममा बैंकको वार्षिक प्रतिशेयर आम्दानी १७ रुपैयाँ ६४ पैसा रहेको छ भने प्रतिशेयर नेटवर्थ १४४ रुपैयाँ ६५ पैसा रहेको छ। बैंकको मूल्य आम्दानी अनुपात ३८.१६ गुणा रहेको छ।