गत आर्थिक वर्षको पहिलो त्रैमासमा ९ करोड ६३ लाख रुपैयाँ खुद नाफा कमाएको बैंकले चालु आर्थिक वर्षको सोहि अवधिमा १२ करोड ४७ लाख रुपैयाँ नाफा कमाएको छ।
बैंकको खुद ब्याज आम्दानी र सञ्चालन नाफा बढ्दा खुद नाफा बढेको हो। बैंकको खुद ब्याज आम्दानी २० करोड १३ लाख रुपैयाँबाट बढेर ३२ करोड ७५ लाख रुपैयाँ पुगेको छ।
समीक्षा अवधिमा बैंकले २६ अर्ब ८५ करोड रुपैयाँ निक्षेप संकलन गरी २३ अर्ब ४० करोड रुपैयाँ कर्जा प्रवाह गरेको छ। गत आर्थिक वर्षको यसै अवधिमा बैंकले १८ अर्ब ८५ करोड रुपैयाँ निक्षेप संकलन गरी १५ अर्ब ९२ करोड रुपैयाँ कर्जा लगानी गरेको थियो।
चुक्ता पूँजी २ अर्ब ६२ करोड रुपैयाँ रहेको बैंकले जगेडा कोषमा ५९ करोड ७२ लाख रुपैयाँ राखेको छ। बैंकको खराव कर्जा ०.४५ प्रतिशत छ।
प्रतिशेयर आम्दानी १९ रुपैयाँ १२ पैसा रहेको बैंकको प्रतिशेयर नेटवर्थ १४६ रुपैयाँ ५० पैसा र मूल्य आम्दानी अनुपात १३.२३ गुणा छ।
शाइन रेसुङ्गा डेभलपमेण्ट बैंकले असोज २७ गते सोमबारदेखि पूर्णिमा र भार्गव विकास बैंकलाई प्राप्ती गरि शाइन रेसुङ्गा डेभलपमेन्ट बैंकको नामबाट एकीकृत कारोबार थालेको थियो।
