बैंकको साधारण सभा मंसिर २९ गते र्याडिसन होटलमा बेलुका ४ बजेदेखि सुरु हुनेछ। सो सभाले आईपीओ निष्कासनको प्रस्ताव सहित चुक्ता पूँजी वृद्धि गरी २० अर्ब पुर्याउने, सञ्चालक नियुक्तिलाई अनुमोदन गर्ने र संस्थापक समूहबाट प्रतिधित्व गर्ने सञ्चालकहरुको निर्वाचन गर्ने प्रस्ताव पारित गर्नेछ।
चालु आर्थिक वर्षको प्रथम त्रैमासको वित्तीय विवरण अनुसार बैंकको जगेडा कोष ९७ करोड ४८ लाख रहेको छ। बैंकले सो अवधिसम्ममा १८ करोड ५८ लाख रुपैयाँ नाफा आर्जन गरेको थियो।
बैंकमा सरकारको १०, बीमा कम्पनीहरुको १८.९७, वाणिज्य बैंकहरुको २०.८९, निजी तथा सार्वजनिक कम्पनीहरुको ५.१५, व्यक्तिगत ४.९९ तथा सर्वसाधारणको ४० प्रतिशत स्वामित्व रहने छ।
बैंकले कास्की जिल्लाको माछापुछ्रे र सर्दीखोला गाउँपालिकामा अवस्थित ३२ मेगावाट उत्पादन क्षमता भएको करुवा सेती हाइड्रोपावर परियोजनामा लगानी गरेको छ।