सभामा सञ्चालक समितिले निर्णय गरेको १६.१५ प्रतिशत बोनस शेयर र सोको कर प्रयोजनार्थ ०.८५ प्रतिशत नगद लाभांश वितरण गर्ने विशेष प्रस्ताव रहेको छ। सभाले मर्जर तथा एक्विजिसन सम्बन्धि कार्यको लागि सञ्चालक समितिलाई अख्तियारी प्रदान गर्ने, लेखापरीक्षक नियुक्त गर्ने अधिकृत पूँजी वृद्धि गरी ५ अर्ब पुर्याउने प्रस्ताव पनि पारित गर्नेछ।
साधारण सभा तथा लाभांश वितरण प्रयोजनको लागि बैंकले मंसिर १३ गतेदेखि २७ गतेसम्म शेयरधनी दर्ता किताब बन्द (बुक क्लोज) गर्ने भएको छ। मंसिर १२ गतेसम्म नेप्सेमा कारोबार भइ कायम शेयरधनीहरुले बोनस शेयर प्राप्त गर्न सक्नेछन्।
बोनस वितरण पछि बैंकको चुक्ता पूँजी ३ अर्ब २३ करोड ८६ लाख रुपैयाँ पुग्नेछ । बैंकले आर्थिक वर्ष २०७५/७६ मा ५९ करोड २२ लाख रुपैयाँ खुद नाफा कमाएको थियो ।
बैंकले अघिल्लो वर्ष १० प्रतिशत बोनस र ३.७५ प्रतिशत नगद लाभांश वितरण गरेको थियो ।
मंसिर ४ गते बुधबार दोस्रो बजारमा बैंकको शेयर प्रतिकित्ता २२५ रुपैयाँमा अन्तिम कारोबार भएको छ।
