दुई कम्पनीको शेयर सूचीकृत

Nov 21, 2019 01:09 PM merolagani

बिहीबार नेप्सेमा २ कम्पनीहरुले शेयर सूचीकृत गरेको छन्। यस दिन जनउत्थान सामुदायिक लघुवित्त र लाइफ इन्स्योरेन्स कर्पोरेशनको बोनस र हकप्रद दोस्रो बजारमा कारोबारको लागि सूचीकृत भएको हो।

जनउत्थान सामुदायिक लघुवित्तको २ लाख ८८ हजार कित्ता र लाइफ इन्स्योरेन्स कर्पोरेशनको ५१ लख ५१ हजार ६१२ कित्ता गरी कुल साढे झण्डै ५४ लाख कित्ता शेयर सूचीकृत भएको हो।

जनउत्थान सामुदायिक लघुवित्त (JSLBB) ले बिक्री गरेको २ लाख ८८ हजार कित्ता हकप्रद शेयर बिहीबार दोस्रो बजारमा कारोबारको लागि सूचीकृत भएको हो।

त्यसैगरी, लाइफ इन्स्योरेन्स कर्पोरेशन (LICN) ले आर्थिक वर्ष २०७४/७५ को मुनाफाबाट शेयरधनीहरुलाई चुक्ता पूँजीको ३४.४६ प्रतिशत अर्थात ५१ करोड ५१ लाख रुपैयाँ बराबरको बोनस वितरण गरेको थियो। सोहि शेयर दोस्रो बजारमा कारोबारको लागि सूचीकृत भएको हो।