नेप्सेले कम्पनीको शेयर मूल्य समायोजन गरी प्रतिकित्ता ५ सय ३७ रुपैयाँ ५० पैसा कायम गरेको छ। उक्त समायोजित मूल्यलाई आधार मानेर आइतबार लघुवित्तको शेयर कारोबार खुल्नेछ।
बुकक्लोजसंगै नेप्सेले लघुवित्तको शेयरमूल्य समायोजन गरी नयाँ शेयर मूल्य निर्धारण गरेको हो।
लघुवित्तले साधारणसभा प्रयोजनको लागि मंसिर ६ गते शुक्रबार बुकक्लोज गरेको होे। जस अनुसार लघुवित्तले वितरण गर्ने लाभांश मंसिर ५ गतेसम्म कायम शेयरधनीलेमात्र प्राप्त गर्न सक्नेछन्।
लघुवित्तले गत आर्थिक वर्षको मुनाफाबाट शेयरधनीहरुलाई २० प्रतिशत बोनस शेयर र १५ प्रतिशत नगद लाभांश गरी कुल ३५प्रतिशत लाभांश वितरण गर्ने घोषणा गरेको थियो।
उक्त लाभांश अनुमोदन गर्न लघुवित्तले मंसिर १६ गते होटल पाथिभराको सभाहल, इटहरीमा बिहान ११ बजे साधारण सभा आह्वान गरेको छ।
साथै सभाबाट बोनस शेयर वितरण पश्चात कायम हुने चुक्ता पूँजीको २५ प्रतिशत हकप्रद शेयर निष्कासन गर्ने प्रस्ताव पनि पारित गर्ने भएको छ।