कम्पनीले दोलखा जिल्लामा अवस्थित खारे खोलामा हाल निर्माण गरिरहेको ११ मेगावाटको जलविद्युत आयोजना अन्तिम चरणमा छ। त्यसैगरी, कम्पनीले माथिल्लो इङ्खु खोला जलविद्युत आयोजनाको अध्ययन गरिरहेको छ भने ४५ मेगावाटको कसुवा खोला जलविद्युत आयोजना निर्माण गर्न लगानी गर्ने सम्झौता गरेको छ।
सो अवधिमा कम्पनीले २ करोड ४२ लाख २५ हजार रुपैयाँ अन्य स्रोतबाट आम्दानी गरेको छ। सो अवधिसम्ममा कम्पनीको प्रशासनिक खर्च १८ लाख ६६ हजार रुपैयाँ रहेको छ।
२ अर्ब १० करोड ३ लाख रुपैयाँ चुक्ता पूँजी रहेको यस कम्पनीको जगेडा कोष ५ करोड ८० लाख ८६ हजार रहेको छ। कम्पनीको दीर्घकालीन बैंक ऋण १ अर्ब ५ करोड २५ लाख रहेको छ भने अल्पकालीन बैंक ऋण १ करोड ५३ लाख १२ हजार रुपैयाँ रहेको छ।
सो अवधिसम्ममा कम्पनीको त्रैमासिक प्रतिशेयर आम्दानी ७३ पैसा रहेको छ भने वार्षिक प्रतिशेयर आम्दानी २ रुपैयाँ ९३ पैसा रहेको छ। कम्पनीको प्रति शेयर नेटवर्थ १०२.७७ रुपैयाँ रहेको छ। कम्पनीको प्रतिशेयर कूल सम्पत्तीको मूल्य १५८.३५ रुपैयाँ रहेको छ भने मूल्य आम्दानी अनुपात १०६.८५ रहेको छ।
