भदौ २४ गते मङ्गलबार बसेको लघुवित्तको सञ्चालक समितिको ११३ औँ बैठकले हाल कायम चुक्ता पूँजीको १५ प्रतिशत बोनस र ११.३२ प्रतिशत नगद लाभांश वितरण गर्ने निर्णय गरेको थियो।
लाभांश वितरण तथा साधारण सभा प्रयोजनको लागि लघुवित्तले मंसिर ११ गतेदेखि शेयरधनी दर्ता पुस्तिका बन्द गर्ने भएकाले मंसिर १० गतेसम्म कायम भएका शेयरधनीहरुलेमात्र लघुवित्तले वितरण गर्ने लाभांश र साधारण सभामा भाग लिन पाउनेछन्। लघुवित्तले मंसिर २० गते अग्रवाल भवन कमलपोखरीमा साधारण सभा बोलाएको छ।
हाल २४ करोड २० लाख रुपैयाँ चुक्ता पूँजी रहेको लघुवित्तको प्रस्तावित १५ प्रतिशत बोनस वितरण पश्चात पूँजी २७ करोड ८३ लाख रुपैयाँ पुग्नेछ।
लघुवित्त कम्पनीले चालु आवको असोज मसान्तसम्ममा ३ करोड १७ लाख ६८ हजार रुपैयाँ खुद मुनाफा आर्जन गरेको छ। प्रथम त्रैमासमा लघुवित्तको वार्षिक प्रतिशेयर आम्दानी ४५ रुपैयाँ ६६ पैसा पुगेको छ।
मंसिर ९ गते सोमबार दोस्रो बजारमा लघुवित्तको शेयरमूल्य ६८० रुपैयाँमा अन्तिम कारोबार भएको थियो।