ऋणपत्रको वार्षिक ब्याजदर १०.२५ प्रतिशत रहेको छ। बैंकले प्रति ऋणपत्र १ हजार अंकित दरका २५ लाख कित्ता ऋणपत्र निष्कासन गर्नेछ। सोमध्ये १० लाख कित्ता सर्वसाधारणका लागि बिक्री गरिनेछ भने बाँकी १५ लाख कित्ता व्यक्तिगत तवरबाट बिक्री गरिनेछ।
ऋणपत्रको निष्कासन तथा बिक्री प्रबन्धक ग्लोबल आइएमई क्यापिटल लिमिटेड रहेको छ।
बैंकले ऋणपत्र निष्कासनको लागि बोर्डमा मंसिर १ गते आवेदन दिएको हो।
सिटिजन्स बैंकले चालू आर्थिक वर्षको असोज मसान्तसम्ममा ३४ करोड ९१ लाख ६९ हजार रुपैयाँ खुद नाफा आर्जन गरेको छ। यो अघिल्लो आर्थिक वर्षको सोही अवधिको तुलनामा ७ करोड ९६ लाख रुपैयाँ कम हो। गत आवको प्रथम त्रैमासमा बैंकले ४२ करोड ८८ लाख ११ हजार रुपैयाँ खुद नाफा आर्जन गरेको थियो।
सिटिजन्स बैंक सहित ६ कम्पनीहरुले कूल १ करोड २७ लाख कित्ता ऋणपत्र निष्कासनका लागि बोर्डमा आवेदन दिएका छन्।
