फाइनान्स गत आवको प्रथम त्रैमासमा पनि एक करोड ४९ लाख ३१ हजार नोक्सानीमा रहेको थियो।
खराब कर्जा वापत ५ करोड बढी नोक्सानी व्यवस्थापन गर्दा फाइनान्सले खुद ब्याज आम्दानीमा सुधार गरेपनि नोक्सानी ब्यहोरेको हो।यद्यपी कम्पनीले नोक्सानी भने सुधार गरेको छ।
असोज मसान्तसम्म फाइनान्सले ४ अर्ब २४ करोड ९५ लाख रुपैयाँ बचत संकलन गरि ३ अर्ब ७५ करोड ४५ लाख कर्जा लगानी गरेको छ । समीक्षा अवधिमा फाइनान्सको निक्षेप संकलन ७१ करोड र कर्जा लगानी ४९ करोडले बढेको हो।
यसबाट फाइनान्सले ५ करोड ९० लाख खुद ब्याज आम्दानी गरेको छ । जबकी गत आवको यसै अवधिमा फाइनान्सको यस्तो आम्दानी २ करोड ३० लाख थियो।
चुक्ता पूँजी ८३ करोड एक लाख ४५ हजार रुपैयाँ रहेको फाइनान्सको जगेडा कोषमा १५ करोड १७ लाख रुपैयाँ सञ्चित छ भने शेयरधनी कोषमा ५ करोड ६० लाख रहेको छ ।
फाइनान्सको निष्कृय कर्जा अनुपात १.९१ बाट बढेर ३.६० प्रतिशत पुगेको छ। वार्षिक प्रतिशेयर आम्दानी ४ रुपैयाँ ८३ पैसा ऋणात्मक रहेको फाइनान्सको प्रतिशेयर नेटवर्थ १२२ रुपैयाँ ८५ पैसा छ।
